Д у қ: «тәйвән хәлқиниң сәй йиңвенни қайта президентлиққа сайлап, тәйвәнниң игилик һоқуқини қоғдиғанлиқидин илһамландуқ»

Мухбиримиз әркин
2020-01-14
Елхәт
Пикир
Share
Принт

Дуня уйғур қурултийи 13‏-январ баянат елан қилип, тәйвән президенти сәй йиңвенниң қайта президентлиққа сайланғанлиқини тәбриклиди, шундақла тәйвән хәлқи вә һөкүмитини қоллайдиғанлиқини билдүрди.

Баянатта қәйт қилинишичә, д у қ тәйвән хәлқиниң хитайниң бесимиға қаримай сәй йиңвенни қайта президентлиққа сайлап, тәйвәнниң игилик һоқуқини қоғдиғанлиқидин илһамланмақтикән.

Баянатта, сәй йиңвенниң қайта президентлиққа сайлинишиниң символлуқ әһмийити барлиқи тәкитлинип: «бу тәйвәнниң бейҗиңниң бесимидин қорқуп қалмайдиғанлиқини көрсәтти» дейилгән. Сәй йиңвен 11‏-январ күни өткүзүлгән президент сайлимида 57. 2 Пирсәнт беләткә еришип, рәқиби хитай милләтчи партийәси(гоминдаң)ниң президент намзати хән гойүни мәғлуп қилған. Хән гойү сайламда 38. 6 % Беләткә еришкән иди. Көзәткүчиләр, сәй йиңвенниң қайта президентлиққа сайлинишини бейҗиңға берилгән күчлүк сигнал, дәп қаримақта.

Бейҗиң һөкүмити тәйвәнниң мустәқиллиқ йолидики һәрқандақ урунушиға қораллиқ мудахилә қилидиғанлиқини агаһландуруп, униң хәлқара паалийәт бошлуқини изчил боғуп кәлгәниди. Дуня уйғур қурултийи баянатида йәнә, хитайниң тәйвәнни дипломатийә, иқтисади җәһәтләрдә йетим қалдурушқа урунидиғанлиқи, тәйвән хәлқиниң иттипақлиқни күчәйтип, бейҗиңниң тәйвәнни игилливелишиниң алдини елиши керәкликини билдүрүп: «уйғурлар нәччә он йиллардин бери хитайниң бастуруш боюнтуруқида яшап кәлди. Улар бейҗиңниң уйғур диний кимлики вә мәдәнийитини йоқитишни мәқсәт қилған ассимилятсийә сияситиниң обйектиға айланмақта. Хитай хәлқ җумһурийити һөкүмитиниң шәрқий түркистандики қаттиқ бастуруш сиясити 1 милйондин 3 милйонғичә уйғурниң сәвәбсиз лагерларға қамилишини кәлтүрүп чиқарди» дейилгән. Бу қетимқи сайлам хитай һөкүмитиниң, 2017‏-йили башланған чоң тутқунда 1 милйондин 3 милйонғичә уйғур вә башқа мусулманларни лагерларға қамиши зор хәлқара мәсилигә айланған җиддий мәзгилдә өткүзүлгәниди.

Пикирләр (0)
Share
Толуқ бәт