Teywende b d t gha eza bolush üchün qayta heriket bashlandi

Muxbirimiz shöhret hoshur
2016-08-17
Élxet
Pikir
Share
Print

Teywendiki "Teywen-b d t hemkarliq teshkilati" namliq bir teshkilat teywenni b d t ezaliqigha kirgüzüsh üchün qayta heriket bashlighan.

B b s ning bügünki bu heqtiki xewiride bayan qilishiche, mezkur teshkilatning rehbiri 17-awghust küni teywen démokratik tereqqiyat partiyisining merkizi komitétigha bérip, partiye rehberlirining b d t gha teywenni ezaliqqa qobul qilish heqqide iltimas sunushini telep qilghan.

Teywen démokratik tereqqiyat partiyisining katipi li jünyi muxbirlarning bu heqtiki so'aligha jawab bérip, mezkur teshkilatning telipini yolluq dep qaraydighanliqini, teywenni b d t gha kirgüzüshning teywen xelqining arzusi ikenlikini bildürgen.

Bu heqte pozitsiye bildürgen teywendiki gomindang partiyisi, démokratik tereqqiyat partiyisini semimiy bolush we ikki qirghaq munasiwitini jiddiyleshtürmeslik wediside ching turushqa chaqirghan.

Toluq bet