Тәйвән, җаң кәйшиниң сиясий тәсиридин тәл-төкүс қутулуш үчүн қәдәм басти

Мухбиримиз шөһрәт һошур
2017-12-06
Елхәт
Пикир
Share
Принт

Түнүгүн тәйвән парламенти илгирики диктатор түзүмни хатириләйдиған коча вә орун намлирини қайтидин бекитиш, һәйкәлләрни елип ташлаш һәққидә бир қанун лайиһисини мақуллиған.

Тәйвәнниң «ретим» намлиқ бир ахбарат торида хәвәр қилинишичә, мәзкур қанун лайиһәсидә «өтмүштә демократийә вә әркинликкә дәхли йәткүзгән, кона диктатор түзүмниң һәрқандақ бир қалдуқи тәл-түкс тазилиниш керәк» дейилгән.

Мәлум болиишичә, тәйвәндә демократийә вә тәрәққият партийәси һөкүм сүргән дәсләпки мәзгилдә җяң җешиниң айридумдики нами вә тәйвән пулидики рәсими елип ташлаған болсиму, әмма бир қисим мәктәп, коча вә биналарда униң һәйкили вә гоминдаң һакимийитиниң символлири мәвҗутлуқини сақлап кәлгән.

Мәлум болушичә бу қетим парлаемнтта тәстиқтин өткән қанун лайиһиси икки һәптә ичидә тәйвән президенти сәй йиңвенниң тәстиқидин кейин рәсмий иҗраға өтиду. Хәвәрләрдә әскәртилишичә, бу җяңҗиеши вә гоминдаң һөкүмитиниң сиясий символлирини елип ташлашниң тунҗи қетим мәҗбурийәткә айлиниши йәни қанун арқилиқ иҗра қилинишқа өтүши һесаблиниду.

Җяң кәйши 1947 ‏-йили тәйвәнгә чекингәндин кейин тәйвәндә ақ террорлуқ дәм берилгән бир қатар қирғинчилиқ вә бастуруш һәрикәтлирини елип барған.

Тәйвән парламентиниң бу қетимқи қәдиминиң җяң кәйшиниң мәзкур қилмишидин қайтидин бир һесаб елиш, қурбанларға төләм төләшкә йол ачқанлиқидин башқа, хитай компартийисиниң бир дләт шоари йәни тәйвәнни ютувелиш ғәризигиму очуқ бир зәрбә болидиғанлиқи илгири сүрүлмәктә.

Пикирләр (0)
Share
Толуқ бәт