Teywen prézidéntining latin amérika sepiride amérikida toxtap ötüsh éhtimalliqi xitayni narazi qildi

Muxbirimiz irade
2016-12-20
Élxet
Pikir
Share
Print

Teywen hökümet bayanatchisi alékis xu'ang seyshenbe künidiki bayanatida, teywen prézidénti sey yingwénning latin amérika döletlirige qaratqan resmiy ziyaritining xitay hökümitining naraziliqigha qarimay kéler ay esli pilan boyiche élip bérilidighanliqini bildürgen.

Roytérsning xewer qilishiche, sey yingwén bu ziyaritide aldi bilen amérikida toxtap ötüshi we yaki amérikida ayropilan almishishi mumkinchiliki bolghachqa, xitay buninggha qarshiliq bildürgen iken. Xitay terep buning teywendiki musteqilliq terepdarlirigha "Xata signal" bérip qoyidighanliqini éytqan. Xitay tashqi ishlar bayanatchisi xu'a chünying bügünki bayanatida yuqiridiki sözni qayta tekitlep "Sey yingwénning amérikida toxtap ötüsh éhtimalliqida uning heqiqiy niyitining némiliki izahat telep qilidu" dégen.

Teywen hökümet bayanatchisi aléks bügünki bayanatida muxbirlarning bu heqtiki so'aligha jawab bermigen. Emma teywendiki bir qisim axbarat organliri sey yingwénning bu qétimqi ziyaritide donald tramp hökümitining ademliri bilen körüshüshi mumkinlikini xewer qilghan.

Donald tramp 1979-yilidin buyan, teywen prézidéntining tebrik téléfonini qobul qilghan tunji amérika prézidénti. Uning bu herikiti xitayni qattiq narazi qilghan, emma donald tramp uninggha inkas qayturup
"Héchkim méning kimning téléfonini qobul qilish-qilmasliqimgha arilishalmaydu" dégen.

Toluq bet