Тәйвәндики йәр тәврәштә өрүлгән бинаниң игилириниң мал - мүлки сот қарари арқилиқ мусадирә қилинди

Мухбиримиз ирадә
2016-02-12
Елхәт
Пикир
Share
Принт

Тәйвән даирилири 6- феврал тәйнән шәһиридә йүз бәргән йәр тәврәштә өрүлүп чүшүп нурғун кишиниң өлүмигә сәвәб болған «алтун әҗдиһа» бина өйлириниң қурғучиси вә икки нәпәр инженерини қолға алғандин кейин, бүгүн сот қарари билән уларниң бу бинадин киргән киримини мусадирә қилған.

Тәйвәнниң тәйнән шәһиридә йүз бәргән 6.4 Бал йәр тәврәштә һазирғичә 98 нәпәр адәм өлгән болуп, уларниң 96 нәпири әнә шу «алтун әҗдиһа» бинасида олтуридиғанлар икән. Вәқә болуп үч күндин кейин даириләр бу бина қурғучилирини бина қурулушида сахтипәзлик қилиш гумани билән қолға алған. Нөвәттә уларниң үстидин җинайи дава ечилған.

Бүгүн йәнә тәйвәндә йәр тәврәштә һаятидин айрилғанларға тәзийә билдүрүш мурасими өткүзүлгән. Бирләшмә агентлиқиниң хәвәр қилишичә, мурасимға тәйвән президенти ма йиңҗу вә техи йеңидин президентлиқ сайлимида утуп чиққан президент сәй йиңвенлар қатнишип һаятидин айрилғанларниң аилә-тавабиатлири билән көрүшкән.

Пикирләр (0)
Share
Толуқ бәт