Teywendiki yer tewreshte örülgen binaning igilirining mal - mülki sot qarari arqiliq musadire qilindi

Muxbirimiz irade
2016-02-12
Élxet
Pikir
Share
Print

Teywen da'iriliri 6- féwral teynen shehiride yüz bergen yer tewreshte örülüp chüshüp nurghun kishining ölümige seweb bolghan "Altun ejdiha" bina öylirining qurghuchisi we ikki neper inzhénérini qolgha alghandin kéyin, bügün sot qarari bilen ularning bu binadin kirgen kirimini musadire qilghan.

Teywenning teynen shehiride yüz bergen 6.4 Bal yer tewreshte hazirghiche 98 neper adem ölgen bolup, ularning 96 nepiri ene shu "Altun ejdiha" binasida olturidighanlar iken. Weqe bolup üch kündin kéyin da'iriler bu bina qurghuchilirini bina qurulushida saxtipezlik qilish gumani bilen qolgha alghan. Nöwette ularning üstidin jinayi dawa échilghan.

Bügün yene teywende yer tewreshte hayatidin ayrilghanlargha teziye bildürüsh murasimi ötküzülgen. Birleshme agéntliqining xewer qilishiche, murasimgha teywen prézidénti ma yingju we téxi yéngidin prézidéntliq saylimida utup chiqqan prézidént sey yingwénlar qatniship hayatidin ayrilghanlarning a'ile-tawabi'atliri bilen körüshken.

Toluq bet