Сичүәндә 5 тибәт намайишчи өлгән

Мухбиримиз җүмә
2014-08-20
Елхәт
Пикир
Share
Принт


Тибәт тәшкилатлириниң чаршәнбә күни ейтишичә, өткән һәптә хитай сақчилириниң оққа тутушиға учриған тибәт намайишчилардин 5 адәм өлгән.

Радиомизниң йәрликләрдин игилишичә, өткән һәптә сичүән өлкисиниң кардз районидики тибәтләр намайиш қилип һөкүмәткә наразилиқ билдүргән.

Кейин сақчилар намайишчиларға оқ чиқарған.

Әнглийәдики «әркин тибәт» тәшкилатиниң ейтишичә, 3 намайишчи оқта ярилинип өлгән, йәнә икки нәпәр намайишчиму намәлум сәвәбләр билән қаза қилған.

Америкидики «хәлқара тибәт һәрикити» тәшкилатиниң ейтишичә, бу бәшәйләнниң бири тутқунда өзини олтурувалған икән.

Хәвәрләргә қариғанда, намайишчилар өз ичидин чиққан бир башлиқиниң қолға елинишиға наразилиқ билдүрүп намайиш қилған вә униң қоюп берилишини тәләп қилған.

Бир нәччә йиллардин буян 100 дин артуқ тибәтлик хитайниң йолсиз сиясәтлиригә өзини көйдүрүп наразилиқ билдүргән вә хәлқаралиқ инкас қозғиған иди.

Пикирләр (0)
Share
Толуқ бәт