Sichüende 5 tibet namayishchi ölgen

Muxbirimiz jüme
2014-08-20
Élxet
Pikir
Share
Print


Tibet teshkilatlirining charshenbe küni éytishiche, ötken hepte xitay saqchilirining oqqa tutushigha uchrighan tibet namayishchilardin 5 adem ölgen.

Radi'omizning yerliklerdin igilishiche, ötken hepte sichüen ölkisining kardz rayonidiki tibetler namayish qilip hökümetke naraziliq bildürgen.

Kéyin saqchilar namayishchilargha oq chiqarghan.

En'gliyediki "Erkin tibet" teshkilatining éytishiche, 3 namayishchi oqta yarilinip ölgen, yene ikki neper namayishchimu namelum sewebler bilen qaza qilghan.

Amérikidiki "Xelq'ara tibet herikiti" teshkilatining éytishiche, bu besheylenning biri tutqunda özini olturuwalghan iken.

Xewerlerge qarighanda, namayishchilar öz ichidin chiqqan bir bashliqining qolgha élinishigha naraziliq bildürüp namayish qilghan we uning qoyup bérilishini telep qilghan.

Bir nechche yillardin buyan 100 din artuq tibetlik xitayning yolsiz siyasetlirige özini köydürüp naraziliq bildürgen we xelq'araliq inkas qozghighan idi.

Toluq bet