Дуня тинчлиқ тәшкилати: «хитай уйғур мусулманлириға тутқан хата муамилидә җавабкарлиққа тартилиши керәк»

Мухбиримиз әркин
2020-03-23
Елхәт
Пикир
Share
Принт

Дуня тинчлиқ тәшкилати мақалә елан қилип, хитайниң уйғурларға тутқан муамилиси сәвәблик җавабкарлиққа тартилиши керәклики, әгәр хәлқара җәмийәт уни җавабкарлиққа тартмиса, әслигә кәлтүргили болмайдиған хирисқа дуч келидиғанлиқини билдүргән. Мақалидә агаһландурушичә, бу мәсилидә сүкүт қилиш униңға қайил болуш билән охшаш икән.

Мәзкур тәшкилатниң мухбири силвийә саведра қәләмгә алған мақалидә хитайниң уйғурларни кәң-көләмлик тутқун қилип, хәлқара даңлиқ маркиларға мәһсулат ишләйдиған карханиларға йөткигәнлики, шуниңдәк униң корона вируси кризисидики рәһимсиз инкаси уйғурларниң мәвҗутлуқиға тәһдит елип кәлгәнликини илгири сүргән. Униңда: «наһайити ениқки, хитайниң юқумға болған инкаси лагерларниң ичи вә сиртида ачарчилиқ вә вәһимә пәйда қилди,» дейилгән.

Мақалидә тәкитлишичә, хәлқараниң бу хил қилмишларда «көзини юмувалмаслиқи, ‹риванда қирғинчилиқи' да йүз бәргән хаталиқни тәкрарлимаслиқи униң әхлақий вә иҗтимаий мәсулийити» икән. Мақалиниң ахирида хәлқара җәмийәтниң бәк кәч қелиштин бурун инсанийәткә қарши бу җинайәткә қарши туруши яки бу хирисқа баш егип, әслигә кәлтүргили болмайдиған ақивәткә тәвәккүл қилиши керәкликини билдүргән.

Пикирләр (0)
Share
Толуқ бәт