Kanada xitayni kanadaning hökümet torigha hujum qilish bilen eyiblidi

Muxbirimiz erkin
2014-07-30
Élxet
Pikir
Share
Print

Kanada charshenbe küni xitay tor buzarlirining kanada hökümet torigha hujum qilghanliqini élan qilip, béyjing da'irilirige resmiy naraziliq bildürgen. Kanada da'irilirining ilgiri sürüshiche, döletning qollishidiki yuqiri téxnikiliq xitay tor buzarliri yéqinda kanada döletlik tetqiqat kéngishining torigha buzup kirgen.

Kanada ilgiri özining tor hujumigha uchrighanliqini élan qilghan bolsimu, biraq qaysi döletning hujumigha uchrighanliqini tilgha almighan idi. Lékin charshenbe küni kanada tashqi ishlar ministirliqi hujumning xitaydin kelgenlikini bildürdi.

Kanada tashqi ishlar ministiri jon béyrdning bayanatchisi, kanada tashqi ishlar ministirining seyshenbe küni béyjingda xitay tashqi ishlar ministiri wang yi bilen körüshüp, bu toghruluq kanada terepning pikrini toluq otturigha qoyghanliqini qeyt qildi.

Bayanatchisi adam xoj: kanada hökümiti bu mesilige nahayiti jiddiy qaraydu, biz buni béyjing we ottawadiki yuqiri derijilikler uchrushishida otturigha qoyduq, dédi.

Kanada tetqiqat kéngishi mezkur elning asasliq tetqiqat orunlirining biri bolup, uning ataqliq kanada ayropilan, poyiz ishlepchiqirish karxanisi-bombardér bilen yéqin hemkarliq munasiwiti bar. Lékin xitayning kanadada turushluq elchixanisining bayanatchisi, béyjingning tor hujumigha chétishliq ikenlikini ret qilghan.

Toluq bet