Тумшуқ шәһиридики айродромда рәсмий қатнаш башланған

Мухбиримиз сада
2018-12-26
Елхәт
Пикир
Share
Принт

Уйғур дияриниң тумшуқ шәһиридики айродромға 26-декабир күни хитайниң «җәнубий авиатсийә ширкити» ниң айропилани қонуши билән рәсмий қатнаш башланған.

«Тәңритағ тори» ниң шу күндики хәвиридин қариғанда, мәзкур айропилан тумшуқ айродромиға қонған тунҗи айропилан болуп, 134 йолучини йөткигән. Бу айродром шихәнзидики бағчә айродромидин кейин ишләпчиқириш қурулуш биңтуәни даирисидики 2-пуқрави айродром һесаблинидикән.

Хәвәрдә тумшуқ шәһәрлик парткомниң секретари, сиясий комиссар ли ченго ипадә билдүрүп, тумшуқ айродроминиң ишқа кириштүрүлүши тумшуқ шәһири билән ташқи дуня оттурисида аталмиш «һава каридори» шәкилләндүрүп, мәзкур шәһәр вә әтраптики районларға мәбләғ селиш муһитини техиму яхшилиған.

Хәвәрдә қәйт қилинишичә, җәнубий авиатсийә ширкитиниң уйғур районидики тармақ ширкитиниң муавин директори тумшуқ айродромидики һава қатнишиниң башлиниши йәрлик хәлқләрниң һава сәпиригә болған еһтияҗини қандуруп, район иқтисадиниң раваҗлинишида муһим рол ойнайдиғанлиқини билдүргән.

Хәвәрдин мәлум болушичә, тумшуқ шәһири уйғурларниң нопуси әң көп болған қәшқәр, ақсу, қизилсу қирғиз аптоном области вә хотән шәһириниң оттуридики районға җайлашқан икән.

Анализчилар хитайниң тумшуқ шәһиригә охшаш мушундақ истратегийәлик орунда һава қатнишини башлиши биңтуәнни күчәйтип, җәнубий уйғур диярини толуқ контрол қилишниң бир васитиси болуши мумкинликини тәхмин қилишмақта.

Пикирләр (0)
Share
Толуқ бәт