Tungganlar özlirining Uyghurlar duch kelgendek teqibleshke uchrishidin endishe qilmaqta

Muxbirimiz ümidwar
2018-02-18
Élxet
Pikir
Share
Print

Gensudiki tungganlar özlirining Uyghurlar duch kéliwatqandek teqibleshke uchrishidin endishe qilmaqta. Roytérs agéntliqining muxbiri micha'él martina teripidin yézilghan bu heqtiki tepsilatta körsitilishiche, yéqinda tunggan musulmanlirining meschitlerde dini terbiye élishigha cheklime qoyulghandin kéyin, köpligen tungganlar xitay hökümitining özlirige qarita xuddi Uyghurlargha élip barghandek zerbe bérish chare-tedbirliri, yeni, hemme yerde saqchi tekshürüsh ponkitliri we "Yépip terbiyilesh merkez" lirini qurush, d n a ewrishkisini yighish qatarliqlarni qollinishidin endishe qilmaqtiken.

Gensuning ningshya tunggan aptonom oblastidiki gu'angxé nahiyisi da'iriliri balilarning xitayning chaghan bayrimi mezgilide dini terbiye pa'aliyetlirige qatnishishini chekligen.

Roytérs muxbirining xewiride ilgiri sürülüshiche, hökümet teripidin tungganlargha kéliwatqan bésimlar Uyghurlar uchrawatqandek éghir emes bolsimu, emma nöwette tungganlargha qaritilghan bésimlarmu beribir ashmaqta. Bir qisim jaylardiki tungganlarning meschitliride erzan towlash üchün kanay qollinishmu cheklen'gen. 

Amérikadiki frost uniwérsitétining tunggan millitidin kélip chiqqan proféssori, tunggan we Uyghurlar ehwalini közetküchi mutexessis ma xeyyünning éytishiche, tungganlardiki özlirige kéliwatqan bésimlarning künsayin éshishi ularda Uyghurlar duch kelgendek qattiq zerbe bérish teqdirige duch kélishidin endishe qilish keypiyatini keltürüp chiqarmaqta. Buningdin endishe qilghan köp sandiki tungganlar her xil yollar bilen malayshiya we bashqa musulman ellirige kétip yerlishish yollirini tallimaqta. Uning éytishiche, chünki, nöwette, xitay puqraliri arisida islamgha qarshi teshwiqatlar qanat yéyiwatqan bolup, tor betlerdiki sansizlighan mundaq teshwiqatlar we inkaslar cheklimige uchrimaydu. Tungganlar xitaylarning arisida tarqaq yashighanliqi üchün ulardiki endishe tuyghusi téximu éghir iken.

Toluq bet