Берлинда «түркистан кечиси» намлиқ илмий паалийәт өткүзүлгән

Мухбиримиз қутлан
2013-12-27
Елхәт
Пикир
Share
Принт

Мәлум болушичә, германийәдики түрк бирлики вә башқа илмий вә аммиви тәшкилатларниң бирликтә уюштуруши билән 25-декабир күни берлинда «түркистан кечиси» намлиқ илмий паалийәт өткүзүлгән.

Бу паалийәткә германийәдики һәрқайси аммиви түрк тәшкилатлириниң әзалири, орта асия әллиридин кәлгән түркий тиллирида сөзлишидиған муһаҗирлар, уйғурлар вә афғанистан өзбәклиридин болуп бирқанчә йүз киши қатнашқан.

«Түркистан кечиси» намидики бу илмий вә аммиви паалийәтниң германийәдә өткүзүлүши тунҗи қетимлиқ иш болуп, мәзкур паалийәтниң мәзмуни асаслиқи пүтүн дунядики түркий тиллиқ хәлқләрниң өз-ара қериндашлиқини вә ортақ мәдәнийәт кимликини қайта тонушни мәқсәт қилған икән.

Бу паалийәткә қатнашқан уйғур зиялийлириниң илгири сүрүшичә, «түркистан кечиси» намидики мәзкур паалийәт 1930-йилларда берлин вә парижни мәркәз қилип коммунизм истеласиға қарши һәрикәт елип барған муһаҗирәттики түркистанлиқ сәрхилларниң паалийәтлирини әсләткән.

Пикирләр (0)
Share
Толуқ бәт