Әрдоған 4 нәпәр министири хиянәтчиликкә четилип қалған түркийә һөкүмитиниң ички кабинетни тәртипкә салди

Мухбиримиз әркин
2013-12-26
Елхәт
Пикир
Share
Принт

Түркийә баш министири рәҗәп таййип әрдоғанниң хиянәтчиликкә четилип қалған 3 нәпәр ички кабент министири, өктичиләрниң қаттиқ бесимида чаршәнбә күни вәзиписидин истепа беришкә мәҗбур болди.

Әрдоған һөкүмитиниң образи бу қетимқи хиянәтчилик вәқәсидә қаттиқ зәрбигә учриған. У, пәйшәнбә күни ички кабнетни тәртипкә селип, 10 нәпәр министирни алмаштурди. Хиянәтчиликкә четишлиқ явропа ишлириға мәул министир әгәмән бағиш истепа бәрмигән болсиму, бирақ әрдоған униң орниға башқа бир кишини алмаштурди.

Түркийә һөкүмитидики бу кризис, 17‏-декабир истанбул баш тәптиш мәһкимисиниң иқтисад министири чағлаян, ички ишлар министири гүләр, муһит вә шәһәр қурулуши министири байрақдарниң оғуллирини, түркийә хәлқ банкисиниң мудирини хиянәтчилик билән әйибләп қолға елиши билән партлиди.

Әрдоған бу вәқәни фәтқуллаһ гүлән җамаитиниң хәлқара күчләр билән тил бириктүрүп елип барған суйиқәсти, дәп тәнқид қилип, җамаәткә йеқин дәп қаралған нурғун сақчи башлиқини вәзиписидин елип ташлиған. Әдлийәниң хиянәтчилик вәқәлирини сүрүштүрүшкә мунасивәтлик алақидар бәлгилимилиригә өзгәртиш киргүзгән. Бирақ өктичиләр, әрдоғанниң бу һәрикитини хиянәтчиликни сүрүштүрүшкә тосқунлуқ қилиш, дәп тәнқид қилған иди.

Толуқ бәт