Türkiyediki sherqi türkistan teshkilatliri we jama'et erbabliri istanbulda bash qoshti

Muxbirimiz shöhret hoshur
2016-12-21
Élxet
Pikir
Share
Print

Türkiyede pa'aliyet élip bériwatqan sherqi türkistan ma'arip we hemkarliq jem'iyitining re'isi hidayetulla oghuzxanning féysbokida yézilishiche, türkiyediki sherqi türkistan teshkilatliri we jama'et erbabliri tünügün yeni 20‏-dékabir istanbulda bash qoshush yighini ötküzgen.

Yighinda nöwette xitay terep küchep urunuwatqan Uyghur teshkilatlirini parchilash, passiplashturush we yoq qilish qestige qarita segek bolush, tedbirlik bolush we küchni birleshtürüsh mesilisi muzakire qilin'ghan.

Radiyomizgha kelgen uchurlardin melum bolushiche, xitay jasusluq organliri yéqinqi bir -ikki yildin buyan türkiyediki Uyghurlarning pa'aliyetlirige diqqitini merkezleshtürgen؛ hetta Uyghur rayonining bezi jaylirida, türkiyege bérip kelgen herqandaq bir sayahetchi qattiq so'al-soraqqa duch kelgen.

Istanbulda échilghan mezkur yighin'gha sherqi türkistan ma'arip we hemkarliq jem'iyiti, sherqi türkistan wexpi, sherqi türkistan yashlar teshkilati qatarliq teshkilat rehbiri we jama'et erbabliridin ablikimxan mexsum haji, hidayetulla oghuzxan, jélil turan, ömer qul, tibet yüjetürk, sultan mehmut qeshqerli we isma'il chén'giz qatarliq 20 etrapida aktip pa'aliyetchi ishtirak qilghan.

Toluq bet