Үрүмчи айродроминиң кеңәйтилип қурулуши көзәткүчиләрниң диққитини қозғиди

Мухбиримиз әзиз
2017-09-20
Елхәт
Пикир
Share
Принт

Хитай һөкүмитиниң уйғур дияридики мәркизий шәһәр үрүмчиниң ул әслиһә қурулушиға арқиму-арқидин зор миқдарда мәбләғ селиши кишиләрниң диққитини қозғаватқанлиқи мәлум.

«Шинҗаң гезити» ниң 20-сентәбирдики хәвиридә ейтилишичә, үрүмчи хәлқара айродроми зор дәриҗидә кеңәйтилип ясилидиған болуп, йеңидин «шималий авиатсийә понкити» вә  икки учуш йоли көпәйтилип ясилидикән. Бу қурулушларниң көлими бәкла чоң болуп, 2030-йилиға барғанда тамамлиниши мөлчәрләнмәктикән. Қурулуш тамамланғанда үрүмчи айродроминиң йиллиқ йолучиларни тошуш миқдари 63 милйон адәм қетимға, йүк тошуш миқдари 750 миң тонниға йетидикән. Омумий қурулуш чиқиминиң 41.5 Милярд йүән болидиғанлиқи мөлчәрләнмәктикән.

Хитай һөкүмити уйғур дияридики ул муәссәсә қурулушиға мушу йосунда ғайәт зор миқдарда мәбләғ селиш арқилиқ «шинҗаңниң иқтисадий тәрәққиятини алға сүрүватимиз» дегәнләрни илгири сүрүп кәлмәктә. Һалбуки, уйғур дияридики вәзийәтни көзәткүчиләр бу һәқтә пикир баян қилип, «бу хил мәбләғ селиштин һәрқачан хитай көчмәнлири мәнпәәт елип келиватиду. Хитайниң ул муәссәсигә ғайәт зор мәбләғ селиши уйғур дияриға болған контроллуқни техиму күчәйтишни мәқсәт қилиду», дейишмәктә.

Пикирләр (0)
Share
Толуқ бәт