Үрүмчидә явроасия йәрмәнкиси мәзгилидә қаттиқ бихәтәрлик тәдбирлири йолға қоюлди

Мухбиримиз меһрибан
2014-08-28
Елхәт
Пикир
Share
Принт

Үрүмчи даирилири уқтуруш чиқирип, 2014 - йили ечилидиған «4 - нөвәтлик явроасия йәрмәнкиси» мәзгилидә үрүмчидә қаттиқ бихәтәрлик тәдбирлири елинидиғанлиқини елан қилди.

Хитайниң шинҗаң хәвәрләр ториниң бу йиллиқ явроасия йәрмәнкисиниң бихәтәрликигә мәсул хадими ваң луңдениң сөзидин нәқил елип көрситишичә, 29 - авғуст сәһәр 0 дин 6 - сентәбир сәһәр 0 гичә болған бир һәптә ичидә, үрүмчигә кириш рухсәтнамиси болмиған аптомобилларниң, партлаш еһтимали болған хәтәрлик буюмларни тошуйдиған йүк аптомобиллириниң үрүмчигә кириши чәкләнгән. Үрүмчи шәһри вә әтраптики наһийиләрниң һава бошлуқида һәрқандақ учар җисимниң учуши чәклинип, пүткүл шәһәрдә 24 саәтлик коча чарлаш елип бериш орунлаштурулған.

Мәлум болушичә, хитайниң бу йиллиқ явроасия йәрмәнкиси йиғини, алдинқи йерим йилда уйғур елида бирқатар қаршилиқ һәрикәтлири йүз берип, хитай һөкүмити 2014 - йили 23 - майдин 2015 - йили 23 - майғичә болған бир йиллиқ террорлуққа зәрбә бериш һәрикити елип баридиғанлиқини җакарлиған, уйғурлар «террор гумандари», «бөлгүнчи», «диний әсәбий унсур» дәп тутқун вә бастуруш обикти қилинған, райондики тинчсиз вәзийәт сәвәбидин уйғур райониға келидиған хитай содигәрлири вә саяһәтчиләр көрүнәрлик азайған мәзгилгә тоғра кәлгән.

Пикирләр (0)
Share
Толуқ бәт