Ürümchide yawro'asiya yermenkisi mezgilide qattiq bixeterlik tedbirliri yolgha qoyuldi

Muxbirimiz méhriban
2014-08-28
Élxet
Pikir
Share
Print

Ürümchi da'iriliri uqturush chiqirip, 2014 - yili échilidighan "4 - Nöwetlik yawro'asiya yermenkisi" mezgilide ürümchide qattiq bixeterlik tedbirliri élinidighanliqini élan qildi.

Xitayning shinjang xewerler torining bu yilliq yawro'asiya yermenkisining bixeterlikige mes'ul xadimi wang lungdéning sözidin neqil élip körsitishiche, 29 - awghust seher 0 din 6 - séntebir seher 0 giche bolghan bir hepte ichide, ürümchige kirish ruxsetnamisi bolmighan aptomobillarning, partlash éhtimali bolghan xeterlik buyumlarni toshuydighan yük aptomobillirining ürümchige kirishi cheklen'gen. Ürümchi shehri we etraptiki nahiyilerning hawa boshluqida herqandaq uchar jisimning uchushi cheklinip, pütkül sheherde 24 sa'etlik kocha charlash élip bérish orunlashturulghan.

Melum bolushiche, xitayning bu yilliq yawro'asiya yermenkisi yighini, aldinqi yérim yilda Uyghur élida birqatar qarshiliq heriketliri yüz bérip, xitay hökümiti 2014 - yili 23 - maydin 2015 - yili 23 - mayghiche bolghan bir yilliq térrorluqqa zerbe bérish herikiti élip baridighanliqini jakarlighan, Uyghurlar "Térror gumandari", "Bölgünchi", "Diniy esebiy unsur" dep tutqun we basturush obikti qilin'ghan, rayondiki tinchsiz weziyet sewebidin Uyghur rayonigha kélidighan xitay sodigerliri we sayahetchiler körünerlik azayghan mezgilge toghra kelgen.

Toluq bet