Amérika mu'awin prézidénti sé'ulgha yétip keldi

Muxbirimiz ümidwar
2017-04-16
Élxet
Pikir
Share
Print

Amérika mu'awin prézidénti mayk péns yekshenbe küni jenubiy koriye paytexti sé'ulgha yétip kélip, özining jenubiy koriye, yaponiye, hindonéziye,awstraliye qatarliq asiya-tinch okyan rayoni ellirige qaratqan on künlük resmi ziyaritini bashlidi. Mu'awin prézidént mayk péns sé'ulda amérika herbiy xadimliri bilen birlikte chérkowgha bérip, pasxa bayrimini tebriklesh pa'aliyitige qatnashti we bashqa bir qisim pa'aliyetlerni élip bardi. U jenubiy koriye bash ministiri qatarliq ali rehberliri bilen uchriship, ikki dölet hemkarliqliri mesilisi heqqide sözleshmekchi.

Mayik pénsning jenubi koriye sepiri shimali koriyening yene bir qétimliq rakéta siniqigha toghra kelgen bolup, mezkur rakéta siniqi shenbe küni shimali koriye hökümiti piyongyangda zor kölemde herbiy parat ötküzüp, özining herbiy küchini namayen qilghan künining etisi élip bérilghan bolsimu, emma muweppeqiyet qazinalmighan.

Amérika awazining xewer qilishiche, amérika tinch okyan qomandanliq shitabi shimali koriyening rakétasi qoyup bérilish bilen tengla partlap ketkenliki, amérika terepning hazir bu rakétaning tipini éniqlawatqanliqini bildürgen.

Amérika mu'awin prézidénti piyongyangning mezkur rakéta siniqi meghlup bolup, bir qanche sa'et ötkendin kéyin sé'ulgha yétip kelgen.

Mayk péns heptining ikkinchi küni yaponiye ziyaritini bashlaydu we yaponiye bash ministiri shinzo abé bilen ikki dölet arisidiki hemkarliqlar, jümlidin iqtisadiy munasiwetler heqqide sözlishidu.

Melumki, shimali koriyening izchil yadro siniqi élip bérishi jenubi koriye we yaponiyege biwasite tehdit peyda qilip kéliwatqan bolup, bu qétim koriye yérim arili krizisi kücheygende, piyongyang sé'ulgha yene tehdit sélish pozitsiyesini bildürgen idi.

Toluq bet