Америкида уйғур өсмүр гимнастика чемпийони болди

Мухбиримиз үмидвар
2017-03-29
Елхәт
Пикир
Share
Принт
Америка штатлар ара өткүзүлгән «пенсилванийә-вирҗинийә штат чемпийонлуқи» гүзәллик гимнастикиси мусабиқисидә чемпийон болған уйғур өсмүр бәрна арслан.
Америка штатлар ара өткүзүлгән «пенсилванийә-вирҗинийә штат чемпийонлуқи» гүзәллик гимнастикиси мусабиқисидә чемпийон болған уйғур өсмүр бәрна арслан.
Photo: RFA

Америкиниң вирҗинийә штатида олтурушлуқ бир уйғур аилисиниң қизи өсмүр балиларниң штатлар ара гүзәллик гимнастикиси мусабиқисидә чемпийон болди.

9 яшлиқ бәрна арслан 24-26-март күнлири америкиниң пенсилванийә штатидики филаделфийә шәһиридә өткүзүлгән пенсилванийә, нюҗерси, нюйорк, вирҗинийә вә мариланд қатарлиқ алтә штатниң маһирлири қатнашқан «пенсилванийә-вирҗинийә штат чемпийонлуқи» ни талишиш мусабиқисидә яш өлчими бойичә 4-дәриҗиликләр гурупписи тәркибидә мусабиқигә чүшүп, омуми түр бойичә риқабәтчилирини йеңип, чемпийонлуқни қолға кәлтүрди вә алтун медалға еришти.

Пәрәз қилинишичә бу, америкидики уйғурлар тәнһәрикәт саһәсидә тунҗи қетим еришкән әң юқири нәтиҗә һесаблинидикән.

Униң үстигә йәнә уйғур дияридики уйғурлар арисидиму гүзәллик гимнастикиси бойичә мундақ алтун медал алғанларму йоқ икән.

Бәрна арслан вирҗинийә штатиниң лайкириҗ шәһәрчисигә җайлашқан, америка дөләтлик гимнастика кулуби тармиқидики «дуня гимнастика кулуби»ниң маһири болуп, у 6 йешидин башлап гүзәллик гимнастикиси билән шуғуллинишқа киришкән. Униң тринери алена ханимму әслидә украинаниң гимнастика бойичә олимпик чемпийони болған икән, у бәрнаниң гимнастика саһәсидики истиқбали парлақ вә үмидлик нота икәнликини билдүргән.

Ата-анисниң билдурүшичә, 9 яшлиқ бәрна һәр күни мәктәптин қайтқандин кейин, тәхминән 4 саәтләр әтрапида гимнастика мәшиқи қилидикән. У йәнә оқуштиму әлачи оқуғучи икән.

Пикирләр (0)
Share
Толуқ бәт