Amérikida Uyghur ösmür gimnastika chémpiyoni boldi

Muxbirimiz ümidwar
2017-03-29
Élxet
Pikir
Share
Print
Amérika shtatlar ara ötküzülgen "Pénsilwaniye-wirjiniye shtat chémpiyonluqi" güzellik gimnastikisi musabiqiside chémpiyon bolghan Uyghur ösmür berna arslan.
Amérika shtatlar ara ötküzülgen "Pénsilwaniye-wirjiniye shtat chémpiyonluqi" güzellik gimnastikisi musabiqiside chémpiyon bolghan Uyghur ösmür berna arslan.
Photo: RFA

Amérikining wirjiniye shtatida olturushluq bir Uyghur a'ilisining qizi ösmür balilarning shtatlar ara güzellik gimnastikisi musabiqiside chémpiyon boldi.

9 Yashliq berna arslan 24-26-mart künliri amérikining pénsilwaniye shtatidiki filadélfiye shehiride ötküzülgen pénsilwaniye, nyujérsi, nyuyork, wirjiniye we mariland qatarliq alte shtatning mahirliri qatnashqan "Pénsilwaniye-wirjiniye shtat chémpiyonluqi" ni talishish musabiqiside yash ölchimi boyiche 4-derijilikler guruppisi terkibide musabiqige chüshüp, omumi tür boyiche riqabetchilirini yéngip, chémpiyonluqni qolgha keltürdi we altun médalgha érishti.

Perez qilinishiche bu, amérikidiki Uyghurlar tenheriket saheside tunji qétim érishken eng yuqiri netije hésablinidiken.

Uning üstige yene Uyghur diyaridiki Uyghurlar arisidimu güzellik gimnastikisi boyiche mundaq altun médal alghanlarmu yoq iken.

Berna arslan wirjiniye shtatining laykirij sheherchisige jaylashqan, amérika döletlik gimnastika kulubi tarmiqidiki "Dunya gimnastika kulubi"ning mahiri bolup, u 6 yéshidin bashlap güzellik gimnastikisi bilen shughullinishqa kirishken. Uning trinéri aléna xanimmu eslide ukra'inaning gimnastika boyiche olimpik chémpiyoni bolghan iken, u bernaning gimnastika sahesidiki istiqbali parlaq we ümidlik nota ikenlikini bildürgen.

Ata-anisning bildurüshiche, 9 yashliq berna her küni mekteptin qaytqandin kéyin, texminen 4 sa'etler etrapida gimnastika meshiqi qilidiken. U yene oqushtimu elachi oqughuchi iken.

Toluq bet