Uyghur emeldar "Siyasiy intizam we siyasiy qa'ide" ge éghir xilapliq qilish jinayiti bilen eyiblen'gen

Muxbirimiz irade
2020-03-26
Élxet
Pikir
Share
Print

Ili oblastliq intizam tekshürüsh komitéti partiye intizamigha xilapliq qilish jinayiti boyiche 4 kishini jazalighan bolup, ularning ichide bir nepiri Uyghur. Exmetjan memet isimlik bu Uyghur ili oblastliq partiye komitéti siyasiy tetqiqat ishxanisining sabiq mu'awin mudiri, déhqanchiliq ishliri ishxanisining sabiq mu'awin mudiri iken.

Xitay xewerler torining bu heqtiki xewiridin qarighanda, da'iriler exmetjanni "Siyasiy meydani kemchil, partiyege sadiq bolmighan, siyasiy intizam we siyasiy qa'idige éghir xilapliq qilghan؛ partiye intizami we dölet qanunigha pisent qilmighan" dégenler bilen eyibligen. Eyibnamide yene, uning "Kadir we xizmetchilerni qobul qilish we östürüshke arilashqanliqi, kolléktip bayliqining teqsimlinishige arilashqanliqi shundaqla öylerni belgilimige xilap halda bölgenliki" mu eskertilgen.

Diqqet qozghaydighini, bu nöwet jazalan'ghan 4 kishi ichidiki birdin-bir Uyghur bolghan exmetjanning jazasi bashqa xitay emeldarlardin körünerlik derijide éghir bolghan. Uningda exmetjanning siyasiy we iqtisadiy mesililirining bir-birige gireliship ketkenliki tilgha élinip, "Partiye ezaliq salahiyitini bikar qilish, pénsiye teminatini bikar qilish, ؛ mal-mülkini musadire qilish, chiriklik, parixorluq we bashqa jinayi qilmishlirini edliye organlirigha ötküzüp bérish" qatarliqlar bilen jazalan'ghan. Qalghan xitay emeldarlar bolsa asasen wezipisidin boshitilish, partiyedin qoghlap chiqirilishtek jazalar bilen jazalan'ghan.

Uyghur élide 2016-yilidin bashlap, nurghun Uyghur emeldarliri "Partiyege sadiq bolmasliq, siyasiy meydani kemchil bolush" we "Ikki yüzlimichilik qilish" dégendek jinayetler bilen qattiq bir terep qilinmaqta.

Toluq bet