Chapchal nahiyiside saqchilar erzdar déhqanlargha tehdit salghan

Muxbirimiz erkin
2013-12-26
Élxet
Pikir
Share
Print

Chapchal nahiyelik hökümet yéqinda mezkur nahiyediki yer zémini mejburiy tartiwélin'ghan erzdar déhqanlarni saqchixanigha tutup apirip soraq qilghan we tehdit salghan.

Da'iriler bu nahiyege qarashliq 6 kenttiki Uyghur, shéwe, qazaq, tunggan we bir qisim xenzu déhqanlar bilen tüzgen yer toxtamini bikar qilip, ularning 180 ming mo yérini mejburiy tartiwalghan. Yer igiliri buninggha naraziliq bildürüp chapchal nahiyelik hökümet da'irilirini munasiwetlik organlargha erz qilghan. Ular yene, 16‏-dékabir radi'oyimizning ziyaritini qobul qilip ehwalni ashkarilighan idi.

Biraq 21‏-dékabir, alahide saqchilar erzdar déhqanlarni saqchixanigha tutup apirip soraq qilghan. Bir erzdar déhqan a'ile tawabi'atining radi'omizgha ashkarilishiche, saqchilar erzdar déhqanlarni d u q re'isi rabiye qadir xanim bilen munasiwiti bar, eksiyetchil küchlerge mensup axbarat epkarlirining ziyaritini qobul qilghan, dölet mexpiyetlikini ashkarilighan, dep eyiblep, emgek bilen özgertish we qamaqqa mehkum qilish bilen tehdit salghan.

Igilishimizche, da'iriler 2012‏-yili "Dölet zéminlirini tekshürüp éniqlash" namida, chapchal nahiyesidiki déhqanlar 30 yilliq kötürige alghan 180 ming mo yerning toxtamini bikar qilghan.

Toluq bet