Сиясий кеңәш йиғиниға қатнишидиған уйғурларниң пәвқуладдә азлиқи диққәт қозғиди

Мухбиримиз гүлчеһрә
2017-03-02
Елхәт
Пикир
Share
Принт

Бейҗиң даирилири 3-март ечилидиған сиясий кеңәш мәмликәтлик 12-нөвәтлик комитетиниң 5-йиғиниға тәйярлиқ көрмәктә.

Хәлқ тори 2-март бейҗиңдин тарқатқан хәвәрлиригә асасланғанда, 12-нөвәтлик комитетиниң 5-йиғиниға мәмликәтниң һәр қайси җайлиридин қатнишидиған вәкилләр бейҗиңға тамамән тәқ болған болуп, әҗәблинәрлики, бу қетимлиқ йиғинға қатнишидиған рәис вә муавин рәисләр тизимликидә хитайниң 6 дин биригә тоғра келидиған территорийидики хәлққә вәкиллик қилидиған бирму уйғур йоқ. Даимий һәйәт әзалар тизимликидә җүрәт мәмтимин исимлик уйғурдин башқа уйғур йоқ.

Уйғур даимий һәйәт вә вәкилләр саниниң йоқ дейәрлик икәнликидин башқа, һәтта һәр саһәдики вәкилләр тизимликидә уйғурлар саниниң пәвқуладдә азайғанлиқи диққәт қозғимақта.

Хитай сиясий кеңәш мәмликәтлик 12-нөвәтлик комитетиниң 5-йиғиниға келидиған вәкилләр тизимликидин ашкарилинишичә йәнә, уйғур аптоном райондин 20 дин артуқ саһә бойичә қатнишидиған вәкилләр ичидә бирму уйғур йоқ. Пәқәт маарип саһәсидә бир, аз санлиқ милләтләр вәкиллири категорийәсидә 5 уйғур вәкил тизимликигә киргән, диний саһәсидин 13 тибәт вәкили билән биллә пәқәт 2 уйғур киргән.

Сиясий көзәткүчиләрниң қаришичә, сиясий кеңәш вәкиллири ичидиму уйғурлар нисбитиниң алаһидә азлиғанлиқидин, йиллардин бери уйғурларниң худди башқа саһәләрдә чәткә қеқиливатқанлиқиға охшаш, сиясий саһәдиму һәқ-һоқуқлириниң чәклинип, пикир баян қилиш пурсәтлиридинму мәһрум қалдурулуватқанлиқини, һәр қандақ саһәдин сиқип чиқириливатқанлиқини көрүвелишқа болидикән.

Пикирләр (0)
Share
Толуқ бәт