Siyasiy kéngesh yighinigha qatnishidighan Uyghurlarning pewqul'adde azliqi diqqet qozghidi

Muxbirimiz gülchéhre
2017-03-02
Élxet
Pikir
Share
Print

Béyjing da'iriliri 3-mart échilidighan siyasiy kéngesh memliketlik 12-nöwetlik komitétining 5-yighinigha teyyarliq körmekte.

Xelq tori 2-mart béyjingdin tarqatqan xewerlirige asaslan'ghanda, 12-nöwetlik komitétining 5-yighinigha memliketning her qaysi jayliridin qatnishidighan wekiller béyjinggha tamamen teq bolghan bolup, ejeblinerliki, bu qétimliq yighin'gha qatnishidighan re'is we mu'awin re'isler tizimlikide xitayning 6 din birige toghra kélidighan térritoriyidiki xelqqe wekillik qilidighan birmu Uyghur yoq. Da'imiy hey'et ezalar tizimlikide jür'et memtimin isimlik Uyghurdin bashqa Uyghur yoq.

Uyghur da'imiy hey'et we wekiller sanining yoq déyerlik ikenlikidin bashqa, hetta her sahediki wekiller tizimlikide Uyghurlar sanining pewqul'adde azayghanliqi diqqet qozghimaqta.

Xitay siyasiy kéngesh memliketlik 12-nöwetlik komitétining 5-yighinigha kélidighan wekiller tizimlikidin ashkarilinishiche yene, Uyghur aptonom rayondin 20 din artuq sahe boyiche qatnishidighan wekiller ichide birmu Uyghur yoq. Peqet ma'arip saheside bir, az sanliq milletler wekilliri katégoriyeside 5 Uyghur wekil tizimlikige kirgen, diniy sahesidin 13 tibet wekili bilen bille peqet 2 Uyghur kirgen.

Siyasiy közetküchilerning qarishiche, siyasiy kéngesh wekilliri ichidimu Uyghurlar nisbitining alahide azlighanliqidin, yillardin béri Uyghurlarning xuddi bashqa sahelerde chetke qéqiliwatqanliqigha oxshash, siyasiy sahedimu heq-hoquqlirining cheklinip, pikir bayan qilish pursetliridinmu mehrum qalduruluwatqanliqini, her qandaq sahedin siqip chiqiriliwatqanliqini körüwélishqa bolidiken.

Toluq bet