Uyghur diyarida yene ikki neper nazaret derijilik emeldar tekshürülgen

Muxbirimiz qutlan
2017-03-20
Élxet
Pikir
Share
Print

Igilinishiche, Uyghur aptonom rayonida yene ikki neper yuqiri derijilik emeldar "Intizamgha éghir derijide xilapliq qilghan" liqi seweblik tekshürülmektiken.

"Asiya kindiki tori" ning xewer qilishiche, tekshürüshke élin'ghan ikki neper emeldarning biri Uyghur aptonom rayonluq ormanchiliq nazaritining sabiq naziri nijat mexmut, yene biri altay wilayitining partkom sékrétari déng jangwu iken.

Xewerde bu ikki neper emeldarning tekshürüshke élinishidiki konkrét sewebler, yeni ularning xitay kompartiyening qaysi xil "Intizamigha xilapliq qilghanliqi" heqqide héchqandaq uchur bérilmigen.

Shinxu'a torining xewirige qarighanda, 19-mart küni da'iriler yene ürümchi sheherlik partkomning sékrétari li shöjünni emilidin élip, uning ornigha shü xeyrongni yéngi sékrétarliqqa teyinligen.

Xewerde Uyghur aptonom rayonluq partkomning nöwettiki jiddiy weziyetni közde tutup, ürümchining rayondiki pewqul'adde orni we rolini oylashqan halda mezkur qararni alghanliqi bildürülgen.

Közetküchiler, Uyghur aptonom rayonidiki yuqiri derijilik emeldarlargha qarita élip bérilghan bu "Tazilash", chén chüen'goning shi jinpinggha masliship, rayonda özining mutleq ornini tiklesh yolidiki yene bir qétimliq urunushi,dep qarimaqta.

Toluq bet