Uyghur rayonluq kömür kan idarisi mu'awin bashliqi memet turdi "Bölgünchilikke qarshi küresh intizami" gha xilapliq qilish bilen eyiblendi

Muxbirimiz irade
2017-03-30
Élxet
Pikir
Share
Print

Bügün tengritagh torida bérilgen bir xewerde, Uyghur aptonom rayonluq kömür kan idarisining mu'awin bashliqi memet turdining "Siyasiy intizam we bölgünchilikke qarshi küresh intizami" gha éghir xilapliq qilghanliqi üchün wezipisidin élip tashlan'ghanliqi xewer qilindi.

Bu xewer chet'ellerdiki közetküchilerning alahide diqqitini qozghidi. Ularning éytishiche, bu hazirghiche Uyghur élida "Attin ghulighan" Uyghur emeldarlar ichide bölgünchilikke qarshi turushtiki meydani seweblik wezipi'isdin qaldurulghanliqi éniq qilip tilgha élin'ghan tunji bir weqe hésablinidiken.

Memet turdi heqqidiki 30-mart küni tarqitilghan xewerde, uning siyasiy intizamgha, bölgünchilikke qarshi küresh intizamigha éghir derijide xilapliq qilip, teshkilning tekshürüshige qarshi chiqqanliqi, özidiki mesililerni waqtida tapshurmay teshkil intizamigha xilapliq qilghanliqi ilgiri sürülgen. Uninggha yuqiridiki jinayettin bashqa parixorluq, bashqilar bilen qalaymiqan munasiwet ornitish dégendek jinayetlermu birlikte artilghan.

Uyghur aptonom rayonining partkom sékritari yéqindin buyanqi sözliride partiye ichidiki siyasiy meydani éniq bolmighan, "Ikki yüzlimichi" emeldarlarni tazilash mesilisini alahide tekitlewatqan idi. U buni "Muqimliq weziyiti yaritishtin ibaret bash nishan'gha yétishtiki eng muhim halqa", dep körsitip, ularning qattiq jazalinishi kéreklikini éytqan. Közetküchiler memet turdining délosini del mushu siyasetke munasiwetlik, dep qarimaqta.

Bundin ilgiri, xoten we qeshqer wilayetliride bir qisim kadir we emeldarlar "Partiye bilen meydani birdek bolmidi", "Wezipisige sel qaridi" dep eyiblinip wezipisidin qaldurulghan idi.

Toluq bet