Xitay da'iriliri Uyghur rayonida 60 che kadirni térrorluq mesiliside bixudluq qilish bilen eyibligen

Muxbirimiz shöhret hoshur
2017-05-31
Élxet
Pikir
Share
Print

Xitayning yer shari waqti gézitining in'glizche sanida xewer qilishiche, Uyghur rayonidiki intizam tekshürüsh tarmaqliri Uyghur rayonidiki 60 nechche kadirni térrorluq mesiliside bixudluq qilghanliqi üchün tenqidlep agahlandurghan.

Xewerde déyilishiche, da'iriler 10-maydin 16-maygha qeder 14 sahe boyiche 72 orunda tekshürüsh élip barghan. Tekshürüsh netijiside 5 idare 4 shexsni térrorluqqa qarshi segek turghan dep medhiyiligen؛ 60 kishini bixudluq bilen eyiblep agahlandurghan.

Melum bolushiche, bu, intizam tekshürüsh tarmaqlirining kadirlardiki térrorluqqa qarshi sezgürlük ehwalini tunji qétim tekshürüshidur. Tekshürüshning ushtumtut élip bérilishi, qisqa muddet ichide xulase chiqirilishi, muhajirettiki közetküchi we Uyghur pa'aliyetchilirining diqqitini tartti. Xitay da'iriliri yéqinda ikki yüzlimilik bilen jazalan'ghanlarning tizimlikini élan qilghan, tizimlikte pütünley Uyghurlar tilgha élin'ghan idi.

Dunya Uyghur qurultiyi bayanatchisi dilshat rishit bügün bu heqte pikir bayan qilip, xitay da'irilirining yuqiriqidek agahlandurushlar arqiliq, Uyghur kadirlirini öz millitidin pütünley yüz örüshke qistawatqanliqini bayan qildi. U, bu xil qistashning xitay kütkendin eksiche netije béridighanliqini ilgiri sürdi.

Toluq bet