Карл гершмән: «хитайниң уйғурларни бастуруши 10 йил бурунла башланған, нөвәттә уларниң мәвҗутлуқи тәһдиткә дуч кәлмәктә»

Мухбиримиз сада
2019-07-05
Елхәт
Пикир
Share
Принт

Америкадики демократийәни илгири сүрүш фондиниң рәиси карл гершмән 4-июл күни «хитайниң уйғурларни бастуруши 10 йил бурунла башланған, нөвәттә уларниң мәвҗутлуқи тәһдиткә дуч кәлмәктә» сәрләвһилик бир мақалә елан қилған.

Мәзкур мақалә «вашингтон почтиси» гезитиниң шу күндики саниға бесилған. Мақалидә карл гершмән асаслиқ қилип 10 йил аввал уйғур аптоном райониниң мәркизи болған үрүмчидә йүз бәргән «5-июл үрүмчи қирғинчилиқи» ниң уйғурларға нисбәтән бир бурулуш нуқтиси болғанлиқини алаһидә тилға елип өткән.

У мақалисидә йәнә хитай һөкүмитиниң күнсайин еғирлишиватқан бастурушлири һәрбий, сиясий, иқтисадий җәһәтләрдин шундақла райондики юқири техникилиқ назарәт системиси арқилиқ елип бериливатқанлиқи, бу хил көләмләшкән бастуруш сиясити пәқәт уйғур хәлқини бойсундуруш биләнла чәклинип қалмастин бәлки уларниң мәвҗутлуқиғиму зор тәһдит пәйда қиливатқанлиқини тәкитлигән.

Мақалидә йәнә нуқтилиқ қилип хитай һөкүмитиниң «қошмақ туғқан» сиясити бойичә бир милйондин артуқ хитай пуқралирини уйғурларниң өйлирини «ишғал қилиш» үчүн йөткигәнлики баян қилинған. Мәлум болушичә, улар һөкүмәтниң уйғурларниң «меңисини ююш» вә уларни назарәт қилиш программисини толуқ «капаләтләндүрүш» үчүн «җан тикип» ишләйдикән. Бу «таҗавузчилар» ниң өзлирини уйғур җәмийитигә хитай мәдәнийитини елип киргән «пешқәдәм туғқанлар» дәп қарайдиғанлиқи карл гершмән тәрипидин мәзкур мақалидики муһим нуқтиға айланған.

Карл гершмән мақалисиниң ахирини мундақ ахирлаштурған: «әгәр ‹қайта тәкрарланмайду' дегән вәдиниң бирәр мәниси болса, ундақта у уйғур хәлқини қутқузуштики бир шоар болалиши керәк.»

Пикирләр (0)
Share
Толуқ бәт