Уйғурларниң саяһәт үчүн паспорт биҗиришиниңму еғир сиясий чәклимигә дуч келиватқанлиқи ашкара болмақта

Мухбиримиз қутлан
2015-05-25
Елхәт
Пикир
Share
Принт

Шиветсийәдики «шәрқий түркистан тәшвиқат мәркизи» йеқинда ашкара қилған бир һөҗҗәткә қариғанда, уйғурларниң саяһәт ширкәтлири тәшкиллигән өмәк тәркибидә паспорт ишлитиши йәнила қаттиқ контрол қилинмақтикән.

Мәзкур һөҗҗәтни уйғур елидики мәлум бир хәлқара саяһәт ширкити куча наһийәлик җамаәт хәвпсизлик идарисигә қаритип чиқарғанлиқи мәлум.

Униңда куча наһийәсидин мәзкур саяһәт өмикигә қатнишип тайланд, сингапор вә малайшия қатарлиқ үч дөләтни саяһәт қилмақчи болған мәлум бир уйғурниң пул төлигәнлик талони һәмдә саяһәт ширкитиниң униң арқа көрүнүшини тәкшүргәнлики һәққидики испати көрситилгән.

Ундин башқа һөҗҗәттә йәнә «саяһәт ширкити мәзкур кишиниң саяһәт мәзгилидә һәҗгә бармайдиғанлиқиға капаләтлик қилиду. Саяһәт ширкити йәнә мәзкур кишиниң паспортини саяһәттин қайтип кәлгәндә қайтурувелип сақчи идарисиниң сақлишиға тапшуруп бериду», дейилгән.

Көзәткүчиләр, мәзкур һөҗҗәт нөвәттә уйғурларниң һәтта саяһәт үчүн паспорт беҗириш һоқуқиниңму башқа һәрқандақ милләткә қариғанда еғир сиясий чәклимигә учрайдиғанлиқиниң бир дәлили, дәп қаримақта.

Пикирләр (0)
Share
Толуқ бәт