Уйғур райони даирилири паспорт тарқитиш миқдарини зор дәриҗидә ашурғанлиқини хәвәр қилди

Мухбиримиз ирадә
2015-12-03
Елхәт
Пикир
Share
Принт

1-Декабир күни, уйғур аптоном районлуқ җ х назарити 5-авғусттин 19-ноябирғичә җәмий 213 миң 708 паспорт тарқатқанлиқини, буниң алдинқи охшаш мәзгилидикидин % 240.8 Ашқанлиқини җакарлиди.

«Тәңритағ тори» бу һәқтики хәвиридә, йеңи паспорт сиясити йолға қоюлғандин буян «228 миң 876 адәмниң паспорт беҗириш илтимаси қобул қилинип, ‹бирла қетимда беҗирип бериш' түзүми бойичә нурғун қолайлиқларниң яритилған» лиқини билдүргән.

Бирақ, мәзкур хәвәрдә бу нөвәт йеңи паспорт алғанлар нисбитиниң қанчиликини уйғурлар игиләйдиғанлиқи көрситилмигән.

Уйғур аптоном районлуқ җ х назарити бу йил авғустта уқтуруш тарқитип, бундин кейин уйғур елидики аһалиләрниң бир парчә илтимас җәдвилини толдурсила паспорт алалайдиғанлиқини җакарлиған иди.

Бу, әйни чағда чәтәлләрдики көзәткүчиләрниң диққитини қозғиған. Чүнки хәлқара кишилик һоқуқ органлири хитай һөкүмитиниң уйғурларниң паспорт елишини қийинлаштуруп, әркин саяһәт қилиш әркинликигә дәхли қиливатқанлиқини әйибләп кәлгән иди.

Пикирләр (0)
Share
Толуқ бәт