Qeshqer da'iriliri partiye ezaliri we kadirlardin yüz ming kishini teshkillep, qesemyad yighini ötküzgen

Muxbirimiz qutlan
2017-05-29
Élxet
Pikir
Share
Print

Qeshqer da'iriliri partiye ezaliri we kadirlardin yüz ming kishini teshkillep, qesemyad yighini ötküzgen

Da'irilerning Uyghur élida ammini teshkillep "Kolléktip qesemyad yighini" uyushturush we Uyghurlarni asas qilghan yerlik millet kadirlirigha "Ochuq xet"élan qildurush dolqunining ramizan mezgilide yenimu yuqiri pellige kötürülgenliki melum bolmaqta.

Tengritagh torining xewirige qarighanda, qeshqer wilayetlik da'iriler 27-may küni chüshtin kéyin qeshqer shehiridiki xelq meydanigha 100 ming kishilik partiye ezasi bilen her derijilik kadirlarni toplap, "Qesemyad yighini" ötküzgen.

Xewerde déyilishiche, qeshqer wilayetlik partkomning riyasetchilikide ötküzülgen bu qétimliq zor kölemlik "Qesemyad yighini" da partiye ezaliri bilen kadirlar birdek atalmish "Üch xil küch" bilen "Ikki yüzlimichi" lerge qarshi muressesiz jeng élip baridighanliqi heqqide qesem bergen.

Xewerde yene, qeshqer shehirining xelq meydanigha toplan'ghan yüz ming partiye ezasi bilen her derijilik kadirning qeshqer wilayetlik intizam tekshürüsh komitétining sékrétari yasin sidiqning riyasetchilikide sho'ar towlap qesem bergenliki we bir-birlep imza qoyghanliqi tilghan élin'ghan.

Igilinishiche, qeshqerde ötküzülgen bu qétimliq yüz ming kishilik "Qesemyad yighini" ramizan kirgendin buyan pütkül Uyghur diyarida uyushturulghan eng zor kölemlik siyasiy ipade bildürüsh pa'aliyiti iken. Közetküchiler, chén chüen'go Uyghur diyarini idare qilghan yérim yildin artuq waqit jeryanda rayondiki siyasiy atmosféraning "Medeniyet inqilabi" dewridinmu éship ketkenlikini tekitlimekte.

Toluq bet