Xitay Uyghur diyarining jenubidiki 207 orunda "Bext sanatoriyesi" quridiken

Muxbirimiz erkin
2020-05-22
Élxet
Pikir
Share
Print

Xitay hökümiti zor miqdarda meblegh ajritip, Uyghur aptonom rayonidiki yéza-kentlerde 207 orun'gha yashan'ghanlar "Bext sanatoriyesi" qurushni qarar qilghan. "Shinjang géziti" ning xewer qilishiche, Uyghur aptonom rayonluq xelq ishlar nazariti nöwette bu orunlarda qurulush bashlan'ghanliqi, pütün qurulushning 30-iyun'gha qeder pütidighanliqini bildürgen. Xitay da'irilirining pilani rayondiki her bir yéza-bazarda bir yashan'ghanlar "Bext sanatoriyesi" bolushini ishqa ashurushken.

Melum bolushiche, 207 orundiki sanatoriye qurulushigha 1milyard 458 milyon yüen meblegh sélinidighan bolup, bu orunlar nuqtiliq halda rayonning jenubidiki 22 nahiyede qurulidiken. Mezkur qurulush xitay hökümiti nurghun Uyghurlarni lagérlargha qamighan, qalghan yash Uyghur emgek küchlirini rayonning ichi-sirtidiki xitay karxanilirida ishleshke mejburiy yötkep, nurghun balilarning yétim qélishi, yashan'ghanlarning qaranchuqsiz qélishini keltürüp chiqarghan mezgilde yolgha qoyulghan.

Xitay hökümiti ilgiri rayonda nurghun yeslilerni qurup, ata-anisi lagér yaki karxanilarda tutup turuluwatqan qaranchuqsiz balilarni bu orunlargha yighiwalghan. Bu arqiliq ularning a'ilisi we en'enisi bilen bolghan béghi üzüp tashlan'ghanidi. Közetküchilerning tekitlishiche, xitayning "Bext sanatoriyeliri" ni qurush pilani oxshash bir waqitta yene perzentliri tutup kétilip, qaranchuqsiz qalghan Uyghur yashan'ghanlirini yighiwélip bashqurushnimu meqset qilidiken. "Shinjang géziti" ning xewiride, bu siyasetning "Merkezleshtürüp ghemxorluq qilish" ikenliki tekitlen'gen.

Toluq bet