Xitay Uyghur élida arqa-arqidin saqchi qobul qilish élani chiqiriwatqan bolsimu, emma iltimas qilghuchilar az bolghan

Muxbirimiz qutlan
2017-07-29
Élxet
Pikir
Share
Print

Bu yil kirgendin buyan xitay hökümiti Uyghur élining herqaysi wilayet we nahiyiliride zor kölemde saqchi qobul qilishqa bashlighan.

Yardemchi saqchi, alahide saqchi, charlash xadimi yaki bixeterlik xadimi qobul qilish heqqidiki uqturush we élanlar Uyghur diyaridiki nahiyilik hökümetlerning tor betlirini qaplighan.

Halbuki, yéqindin buyan köpligen nahiyiler saqchi qobul qilish uqturushining sürükini uzartqan bolup, saqchiliqqa iltimas qilghuchilarning sani toshmaywatqanliqini bildürgen.

Qeshqer yéngisheher nahiyilik hökümet 7-ayning 15-küni jem'iyettin 30 neper charlash saqchisi, 269 neper bixeterlik xadimi we 300 neper yardemchi saqchi qobul qilish élani chiqarghan bolsimu, emma iltimas qilghuchilar yéterlik bolmighan. Ular amalsiz ikkinchi qétim uqturush chiqirip, iltimas qilish mudditini taki 8-ayning 4-künigiche uzartqan.

Awat nahiyilik hökümetmu aldinqi ayda nechche yüzligen yardemchi saqchi qobul qilish heqqide élan chiqarghan bolsimu, emma iltimas qilghuchilar yéterlik bolmighan. Ular amalsiz ikkinchi qétim qayta élan chiqirip, saqchi qobul qilishtiki bir qisim shertlerni töwenletken.

Toluq bet