Уйғур елидики бихәтәрлик тәдбирлири техиму чиңитилди

2014-07-31
Елхәт
Пикир
Share
Принт


Уйғур елидики қамал мислисиз күчәйтилгән. 28 - Июл күни йәкәндә йүз бәргән тоқунуш вә арқидинла қәшқәр һейтгаһ мәсчитиниң хатиби җүмә таһирниң өлтүрүлүш вәқәсидин кейин пүткүл уйғур ели миқяси бойичә бихәтәрлик тәдбирлири қаттиқ чиңитилған. Һәрқайси кирип - чиқиш еғизлири, пойиз - аптобус, аптомобиллар қаттиқ тәкшүрүлүшкә башлиған. Кочиларда қораллиқ - қоралсиз чарлиғучи сақчилар көпәйтилгән.

Аммидин кәлгән инкасларға қариғанда, даириләр чиқарған уқтурушқа асасән уйғурлар бир шәһәрдин йәнә бир шәһәргә бериш үчүн өзини тизимлитип, кинишка елип бериши, барған йеридә өзини мәлум қилиши керәк икән. Үрүмчи кочилирида болса сақчилар халиған уйғурни тохтитип, у кишиниң телефони ичидики мәзмунларни көрүп, тәкшүрәләйдикән. Бу хилдики тәдбирләр амминиң турмушиға зор дәриҗидә қолайсизлиқ елип кәлгәндин сирт, вәһимини қаттиқ күчәйтивәткән.

Б б с агентлиқи йәкәндики вәзийәтниң болса һелиһәм интайин чиңлиқини хәвәр қилди. Хәвәрдә ейтилишичә, йәкәндә кочилар һазир қораллиқ меңип йүргән сақчилар вә қәдәмгә бир қурулған тәкшүрүш понкитлири билән тошуп кәткән. Интернет вә қисқа учур алақисиму техи әслигә кәлмигән.

Пикирләр (0)
Share
Толуқ бәт