Uyghur élidiki bixeterlik tedbirliri téximu chingitildi

2014-07-31
Élxet
Pikir
Share
Print


Uyghur élidiki qamal mislisiz kücheytilgen. 28 - Iyul küni yekende yüz bergen toqunush we arqidinla qeshqer héytgah meschitining xatibi jüme tahirning öltürülüsh weqesidin kéyin pütkül Uyghur éli miqyasi boyiche bixeterlik tedbirliri qattiq chingitilghan. Herqaysi kirip - chiqish éghizliri, poyiz - aptobus, aptomobillar qattiq tekshürülüshke bashlighan. Kochilarda qoralliq - qoralsiz charlighuchi saqchilar köpeytilgen.

Ammidin kelgen inkaslargha qarighanda, da'iriler chiqarghan uqturushqa asasen Uyghurlar bir sheherdin yene bir sheherge bérish üchün özini tizimlitip, kinishka élip bérishi, barghan yéride özini melum qilishi kérek iken. Ürümchi kochilirida bolsa saqchilar xalighan Uyghurni toxtitip, u kishining téléfoni ichidiki mezmunlarni körüp, tekshüreleydiken. Bu xildiki tedbirler ammining turmushigha zor derijide qolaysizliq élip kelgendin sirt, wehimini qattiq kücheytiwetken.

B b s agéntliqi yekendiki weziyetning bolsa hélihem intayin chingliqini xewer qildi. Xewerde éytilishiche, yekende kochilar hazir qoralliq méngip yürgen saqchilar we qedemge bir qurulghan tekshürüsh ponkitliri bilen toshup ketken. Intérnét we qisqa uchur alaqisimu téxi eslige kelmigen.

Toluq bet