Blumbérg téliwziyesining Uyghurlargha munasiwetlik xewer programmisi kashiligha uchritilghan

Muxbirimiz irade
2019-12-05
Élxet
Pikir
Share
Print

Amérika "Blumbérg téliwiziyesi" Uyghurlargha munasiwetlik qanun layihesining awam palatadin maqullan'ghanliqi heqqidiki xewerni tarqitiwatqanda xitayning tor we uchur bashqurush da'iriliri ékranni qaraytip, xitaydiki körürmenlerning bu heqtiki tepsilatlardin xewerdar bolushini chekligen.

Blumbérg téliwiziyesining béyjingda turushluq muxbiri sélina wang tiwittirda tarqatqan uchurida, 4-dékabir küni blumbérg xewerlirining tarqitishi ékran qaraytilish arqiliq kashiligha uchrighan peytte, Uyghur weziyiti boyiche tonulghan tetqiqatchi adriyan zénz ziyaret qiliniwatqanliqini bildürdi.

Adriyan zénz "Blumbérg téliwiziyesi" ge qilghan sözide "Uyghur élidiki lagérlar heqqide ashkarilan'ghan xitayning mexpiy höjjetliri we bashqa alaqidar höjjetlerge asaslan'ghanda hazir rayonda az dégende 900 mngdin bir milyon 800 mingghiche tutqun we 1400 etrapida lagér bar" dégen. Adiriyan zénz yene mundaq dégen:
"Amérika awam palatasi qanun layihesini maqullash arqiliq qilishqa tégishlik bolghan insaniy burchini ada qildi, gerche bu xitayning siyasitini derhal özgertelmisimu, hetta amérikaning iqtisadiy menpe'etlirige ziyan ep kelsimu, bu qilishqa tégishlik ish idi. Mundaqche éytqanda, bu xitayning herikitige qarshi étilghan tunji emeliy qedem".

Amérika awam palatasining yuqiri awaz bilen "2019-Yilliq Uyghur kishilik hoquq qanun layihesi" ni maqullishi xelq'araliq dangliq axbaratlarda keng xewer qilin'ghan idi.

Toluq bet