Биңтуән уйғур елидики асаслиқ су мәнбәлири билән су қурулушлирини контрол қилип болған

Мухбиримиз қутлан
2015-11-02
Елхәт
Пикир
Share
Принт

«Биңтуән гезити»ниң бүгүнки хәвиригә қариғанда, «12-бәш йиллиқ пилан» мәзгилидә хитай мәркизий һөкүмитиниң уйғур елидики ишләпчиқириш-қурулуш армийисигә салған омумий мәблиғи 9 милярд 500 милйон сомдин ашқанлиқи мәлум.

Хитай мәркизий һөкүмитиниң биңтуән үчүн аҗратқан бу ғайәт зор соммилиқ селинмисини уйғур аптоном райони яки башқа өлкиләргә салған селинмисиға селиштурғанда зор пәрқ мәвҗуткән.

Болупму хитай мәркизий һөкүмитиниң уйғур елидики биңтуән контрол қиливатқан су мәнбәлири билән су қурулушлириға салған мәблиғи илгирики 60% тин бирақла өрләп 80% кә көтүрүлгән.

Нөвәттә биңтуәнниң уйғур елида 13 мустәқил суғуруш райони һәмдә или дәряси, манас дәряси, ақсу дәряси қатарлиқ 9 ички қуруқлуқ дәрялирида ясиған ғайәт зор тоған-тосмилири бар икән. Униңдин сирт, уйғур елидики нәччә йүзлигән дәря-тарамларда су мәнбәлирини игиләп ясивалған сүний су амбарлири бар икән.

Нөвәттә хитай һөкүмәт таратқулири елан қилған мәлуматлардин қариғанда, биңтуәнниң уйғур елидики асаслиқ су мәнбәлири билән су қурулушлирини толуқ контрол қилип болғанлиқи мәлум болмақта.

Пикирләр (0)
Share
Толуқ бәт