Корла шәһридә «һарақ ичиш бойичә тәрбийәләш базиси» қурулған

Мухбиримиз әркин
2020-09-25
Елхәт
Пикир
Share
Принт

Уйғур дияриниң корла шәһридики бир рестуранда йәрлик даириләр тәрипидин һарақ ичиш бойичә тәрбийәләш базиси қурулған. Корлидики мәзкур һарақ ичиш бойичә тәрбийәләш базисиға алақидар бир рәсим чәтәл иҗтимаий таратқулирида кәң тартилип, ғулғула қозғиди. Буниң хитай һөкүмити уйғурларниң тили, мәдинийити, өрп-адәт вә диний етиқадини чәкләп, уларни диний етиқади, өрп-адити вә мәдәнийитигә хилап ишларни қилишқа мәҗбурлаш, уларға қарита «ирқий қриғинчилиқ» елип бериш билән әйиблиниватқан мәзгилдә оттуриға чиқиши алаһидә диққәт қозғап, иҗтимаий таратқуларда буму хитай «мәдәнийәт қирғинчилиқиниң бирқисми», дәп әйибләнгән.

Әркин асия радийоси хитай бөлүминиң хәвәр қилишичә, тең фәмилилик бир хитай пуқраси, «һарақ ичиш ислам динида чәкләнсиму, лекин шинҗаңда һарақ ичмәслик ашқунлуқниң ипадиси, дәп қарилиду. Шуңа һарақ ичмәйдиғанларда һарақ ичиш адитини йетилдүрүп, уларниң өрп-адитини өзгәртиш үчүн корла шәһридә бу база қурулди» дегән. Униң қәйт қилишичә, бу базиниң қурулуш мәқсити «уйғурларниң өрп-адәтлирини өзгәртиш икән».

Мәлум болушичә «һарақ ичиш бойичә тәрбийәләш базиси» ниң еланида яшанғанларға, һәрбийләр вә тазилиқ ишчилириға баһада етивар берилидиғанлиқи тәкитләнгән. Дуня уйғур қурултийи баянатчиси дилшат ришит, «һарақ ичиш бойичә тәрбийәләш базилири» ниң хитай өлкилиридә аллабурун чәкләнгәнликини, лекин уйғур диярида униң «һөкүмәткә һәмкарлишип, етиқадни пүтүнләй йоқутиштәк сияси вәзипигә маслишиватқанлиқи» ни билдүрди.

Пикирләр (0)
Share
Толуқ бәт