Хитай «ианә топлаш рухсәтнамиси» ни йолға қойди

Мухбиримиз меһрибан
2016-08-30
Елхәт
Пикир
Share
Принт

30 ‏-Авғуст хитай хәвәрләр торида, хитай хәлқ ишлар министирлиқиниң шу күни өз торида елан қилған «җамаәтниң ианә топлиши һәққидики бәлгилимә» ниң толуқ мәзмуни хәвәр қилинди.

Хәвәрдин мәлум болушичә, 8 маддилиқ бәлгилимидә 2016-йил 1-сентәбирдин башлап хитай дөлити ичидә һөкүмәтниң рухсәтнамисини алмиғанларниң ианә топлиши тохтитилидиғанлиқи, кинишкисиз ианә топлиғанларниң қануни җазаға тартилидиғанлиқи уқтурулған.

Мәзкур уқтурушта йәнә 1-сентәбирдин кейин ианә топлиғучилардин чоқум өз районидики хәлқ ишлар ишханилирида пүтүн дөләт бойичә бирликкә кәлгән «ианә топлаш рухсәтнамиси»ни беҗириши тәләп қилинған болуп, хәлқ ишлар министирлиқи елан қилған 8 маддилиқ уқтурушниң ахирқи маддисида йәнә мәзкур бәлгилиминиң ички моңғул, тибәт вә уйғур аптоном районида мәзкур районларниң миллий йезиқидики «ианә топлаш рухсәтнамиси» ни тарқитиши тәләп қилинған.

Хитайдики иҗтимаий алақә васитилиридин үндидардики бир учурда, йеқинда корлада елип бериливатқан мәлум уйғур ана вә униң йеңи туғулған бир җүп қошкезәк балиси үчүн топлиниватқан ианиниң 30-авғуст туюқсиз тохтитилғанлиқи хәвәр қилинип,«ана, балиларниң сағламлиқи үчүн топлиниватқан ианә йетәрлик болди, бүгүндин башлап ианә топлаш тохтитилди» дегән изаһат берилгән. Мәзкур учур һәққидә йезилған инкасларда корлада елип берилған ианә топлаш паалийитиниң туюқсиз тохтишиға хәлқ ишлар министирлиқиниң ианә топлаш һәққидики йеңи бәлгилимисиниң сәвәб болғанлиқи тилға елинған.

Пикирләр (0)
Share
Толуқ бәт