Xitay "I'ane toplash ruxsetnamisi" ni yolgha qoydi

Muxbirimiz méhriban
2016-08-30
Élxet
Pikir
Share
Print

30 ‏-Awghust xitay xewerler torida, xitay xelq ishlar ministirliqining shu küni öz torida élan qilghan "Jama'etning i'ane toplishi heqqidiki belgilime" ning toluq mezmuni xewer qilindi.

Xewerdin melum bolushiche, 8 maddiliq belgilimide 2016-yil 1-séntebirdin bashlap xitay döliti ichide hökümetning ruxsetnamisini almighanlarning i'ane toplishi toxtitilidighanliqi, kinishkisiz i'ane toplighanlarning qanuni jazagha tartilidighanliqi uqturulghan.

Mezkur uqturushta yene 1-séntebirdin kéyin i'ane toplighuchilardin choqum öz rayonidiki xelq ishlar ishxanilirida pütün dölet boyiche birlikke kelgen "I'ane toplash ruxsetnamisi"ni béjirishi telep qilin'ghan bolup, xelq ishlar ministirliqi élan qilghan 8 maddiliq uqturushning axirqi maddisida yene mezkur belgilimining ichki mongghul, tibet we Uyghur aptonom rayonida mezkur rayonlarning milliy yéziqidiki "I'ane toplash ruxsetnamisi" ni tarqitishi telep qilin'ghan.

Xitaydiki ijtima'iy alaqe wasitiliridin ündidardiki bir uchurda, yéqinda korlada élip bériliwatqan melum Uyghur ana we uning yéngi tughulghan bir jüp qoshkézek balisi üchün topliniwatqan i'anining 30-awghust tuyuqsiz toxtitilghanliqi xewer qilinip,"Ana, balilarning saghlamliqi üchün topliniwatqan i'ane yéterlik boldi, bügündin bashlap i'ane toplash toxtitildi" dégen izahat bérilgen. Mezkur uchur heqqide yézilghan inkaslarda korlada élip bérilghan i'ane toplash pa'aliyitining tuyuqsiz toxtishigha xelq ishlar ministirliqining i'ane toplash heqqidiki yéngi belgilimisining seweb bolghanliqi tilgha élin'ghan.

Toluq bet