Даириләр уйғур районида қол телефон вә интернет ишләткүчиләргә болған контроллуқни һәссиләп күчәйтмәктикән

Мухбиримиз қутлан
2015-11-23
Елхәт
Пикир
Share
Принт

«Нюйорк вақит гезити» ниң бүгүнки хәвиригә қариғанда, париждики террорлуқ һуҗумидин кейин хитай сақчилириниң уйғур районидики янфон вә интернет ишләткүчиләргә болған контроллуқи һәссиләп күчәймәктикән.

Хәвәрдә дейилишичә, уйғур районидики әқлий иқтидарлиқ телефон ишләткүчиләр әгәрдә чәтәл таратқулириниң әп яки юмшақ деталлирини янфониға чүшүргән болса, тор сақчилири шу һаман мәзкур янфонни ишлимәс қилип қойидикән.

Бу хил әһвалда янфон ишләткүчи сақчидин мундақ бир җиддий учур тапшурувалидикән: «сақчи шуни алаһидә агаһландуридуки, янфон мулазимитиңиз қанун бойичә тохтитип қоюлди. Әгәрдә соалиңиз болса тор сақчиси билән дәрһал алақилишиң.»

Үрүмчидин «нюйорк вақит гезити» ниң зияритини қобул қилған, әмма исмини ашкарилашни халимайдиған бирәйләнниң билдүрүшичә, телефони тохтап қелип сақчи билән алақиләшкән кишиләр өзиниң кимлик учурлирини қайта тизимға алдурушқа мәҗбур болмақтикән шундақла янфонлиридики илгири чүшүргән чәтәл әплири пүтүнләй ююп ташланмақтикән.

Пикирләр (0)
Share
Толуқ бәт