Da'iriler Uyghur rayonida qol téléfon we intérnét ishletküchilerge bolghan kontrolluqni hessilep kücheytmektiken

Muxbirimiz qutlan
2015-11-23
Élxet
Pikir
Share
Print

"Nyuyork waqit géziti" ning bügünki xewirige qarighanda, parizhdiki térrorluq hujumidin kéyin xitay saqchilirining Uyghur rayonidiki yanfon we intérnét ishletküchilerge bolghan kontrolluqi hessilep kücheymektiken.

Xewerde déyilishiche, Uyghur rayonidiki eqliy iqtidarliq téléfon ishletküchiler egerde chet'el taratqulirining ep yaki yumshaq détallirini yanfonigha chüshürgen bolsa, tor saqchiliri shu haman mezkur yanfonni ishlimes qilip qoyidiken.

Bu xil ehwalda yanfon ishletküchi saqchidin mundaq bir jiddiy uchur tapshuruwalidiken: "Saqchi shuni alahide agahlanduriduki, yanfon mulazimitingiz qanun boyiche toxtitip qoyuldi. Egerde so'alingiz bolsa tor saqchisi bilen derhal alaqilishing."

Ürümchidin "Nyuyork waqit géziti" ning ziyaritini qobul qilghan, emma ismini ashkarilashni xalimaydighan bireylenning bildürüshiche, téléfoni toxtap qélip saqchi bilen alaqileshken kishiler özining kimlik uchurlirini qayta tizimgha aldurushqa mejbur bolmaqtiken shundaqla yanfonliridiki ilgiri chüshürgen chet'el epliri pütünley yuyup tashlanmaqtiken.

Toluq bet