Уйғур районида өткән йили муқим мүлүккә селинған мәбләғ зор дәриҗидә азайған

Мухбиримиз әркин
2019-01-31
Елхәт
Пикир
Share
Принт

2018‏-Йили уйғур районида муқим мүлүккә селинған мәбләғ зор дәриҗидә азийип, хитайдики әң начар районға айланған.

Ройтерс агентлиқиниң 30‏-январдики хәвиридә тәкитлишичә, уйғур райониниң бу җәһәттики әһвали «хитайдики иқтисади изтирап чекиватқан намрат өлкиләр ичидә алаһидә өрнәк һесаблинидикән.» Хәвәрдә хитайниң кәспий тәрбийәләш лагерлирида «уйғурлардики радикаллиқни түгитиватимиз» дәп тәкитләватқанлиқи, лекин кәң көләмлик тутқунниң сода вә ишқа пайдисиз икәнлики, районда мәбләғниң қаттиқ ақсиғанлиқини тәкитлигән.

Ройтерс агентлиқиниң хитай мәркизи банкисиниң санлиқ мәлуматини нәқил кәлтүрүшичә, 2018‏-йилниң 3‏-чарикидә уйғур райони билән чиңхәйгә кредит еқиши алдинқи йилниң охшаш мәзгилидин 70 һәтта 80 пирсәнткә йеқин азайған. Охшаш вақитта йәнә тибәт вә ички моңғулғиму кредит еқиши азайған. Хәвәрдә йәнә һәммидин ямини өткән йили 9‏-айдики бәзи һесаблаш усуллирида бу районларниң әмәлий әһвалиниң буниңдин еғир икәнлики оттуриға қоюлғанлиқи тәкитләнгән.

Хәвәрдә баян қилинишичә, уйғур районида2017‏-йили лагер қурулуши әвҗ алғандин кейин, 2018‏-йили муқим мүлүккә селинған мәбләғ һәр айда азлап меңип, 2018‏-йили декабирға кәлгәндә 25% гә чүшкән. Бу әһвал уйғур аптоном районини өзиниң 2019‏-йиллиқ омуми ишләпчиқириш сүритини тәңшәшкә мәҗбурлиған. Даириләр районниң 2019‏-йиллиқ GDP сини, йәни омумий ишләпчиқириш миқдариниң өсүшини 7% дин 5.5 Пирсәнткә чүшүргән.

Хәвәрдә баян қилишичә, уйғур аптоном райони хитай өлкә вә районлири ичидә 2019‏-йиллиқ GDP сини әң төвән елан қилған район икән. Хәвәрдә хитай һөкүмити лагерларда аз санлиқ милләтләргә хитай тили вә кәсип өгитилидиғанлиқини илгири сүрсиму, лекин буниң ишқа ешиши гуманлиқ икәнликини, хитай көчмәнлириниң районға келип олтурақлишишқа риғбәтләндүрүлүши сиясий, сода, енергийә вә тәбиий байлиқларни ечишни шуларниң контрол қилидиғанлиқини көрситидиғанлиқи тәкитләнгән.

Пикирләр (0)
Share
Толуқ бәт