Қәшқәр вилайитидә 137 нәпәр корона вируси юқумдари байқалған, шәһәр тақалған

Мухбиримиз җүмә
2020-10-25
Елхәт
Пикир
Share
Принт
Хитай дохтур вә сақчиларниң аилиләргә берип вирус юқумини тәкшүрүватқан көрүнүш. 2020-19-Феврал, алтай.
Хитай дохтур вә сақчиларниң аилиләргә берип вирус юқумини тәкшүрүватқан көрүнүш. 2020-19-Феврал, алтай.
AFP

24-Өктәбир, қәшқәр вилайити тәвәсидә 137 нәпәр корона вируси юқумдари байқалғандин кейин, даириләрниң қәшқәр вилайитини тақиғанлиқи мәлум.

Фирансийә хәлқара радийосиниң бу һәқтики хәвиригә қариғанда, бәзи хоңкоң таратқулири шу йәрдики юқумниң алдини елиш вә контрол қилиш мәркизи хадимлириниң шәһәрниң тақилип қалғанлиқи һәққидики хәвәрни дәлиллигәнликини ейтқан.

Хоңкоң «миң пав» ториниң хәвиригә қариғанда, миң пав мухбири қәшқәр вилайәтлик юқумниң алдини елиш вә контрол қилиш мәркизигә телефон қилған, қарши тәрәп бу хәвәрни дәлилләп, пүткүл қәшқәр вилайитиниң тақалғанлиқи вә айропиланларниң қондурулғанлиқини ейтқан.

Бу хадим тақаш буйруқиниң 24-өктәбир чүшкәнликини, әмма буниңдики сәвәбләрни дейишкә болмайдиғанлиқини тәкитлигән. 

Шинхуа агентлиқиниң бу һәқтики бир хәвиридә көрситишичә, 24-өктәбир қәшқәр вилайитиниң конашәһәр наһийәси тәвәсидә кесәллик аламити йоқ бир нәпәр корона вируси юқумдарлири байқиғандин кейин, мәзкур юқумдар билән алақидар кишиләр үстидин җиддий тәкшүрүш елип берилған. Нәтиҗидә қәшқәр тәвәсидә 25-өктәбир саәт 14 кечә 137 юқумдар байқалған. Даириләр нөвәттә пүтүн қәшқәр вилайити тәвәсидила җәмий 4 милйон 746 миң 500 адәм үстидин тәкшүрүш елип беришни пилан қилған.

Пикирләр (0)
Share
Толуқ бәт