Уйғур елида һава сүпитини аптоматик көзитиш понкитидин 124 ниң қурулғанлиқи мәлум

Мухбиримиз қутлан
2017-01-23
Елхәт
Пикир
Share
Принт

Йеқинқи йиллардин буян, уйғур елида көрүлүватқан еғир дәриҗидики һава булғиниш һадисиси хитайниң башқа районлириға охшашла әң көп бәс-муназирә қозғаватқан мәсилиләрниң бири икән.

Болупму уйғур елидики йәр асти байлиқлирини һәддидин артуқ қезиш, су вә музлуқ мәнбәлирини хоритиш, хитай өлкилиридин милюнлап нопус көчүрүш һәмдә кәң көләмдә санаәт шәһәрлирини бәрпа қилиш нәтиҗисидә һаваниң сүпитидә пәвқуладдә начарлишиш көрүлмәктикән.

Хәлқ ториниң хәвәр қилишичә, даириләр 2016-йилиниң ахириғичә биңтуәнни өз ичигә алған уйғур аптоном районида җәмий 124 орунда һава сүпитини аптоматик көзитиш понкити қурған.

Игилинишичә, һава сүпитини аптоматик көзитиш понкити қурулған наһийә, район вә шәһәрләр 79 ға йәткән болуп, униң давамлиқ кеңийидиғанлиқи мөлчәрләнмәктикән.

Хәвәрдә дейилишичә, бундақ понкитлар қурулған районлардики аһалиләр һәр вақит торға чиқип һава сүпитини көрәлиши мумкинкән.

Көзәткүчиләр, даириләр гәрчә һава сүпитини аптоматик көзитидиған понкитларни көпләп қуруватқан болсиму, амма һазирға қәдәр уйғур елидики һава булғинишини үнүмлүк тизгинлийәләйдиған бирәр чарә-тәдбир алалмиғанлиқини тәкитлимәктә.

Пикирләр (0)
Share
Толуқ бәт