Uyghur élida hawa süpitini aptomatik közitish ponkitidin 124 ning qurulghanliqi melum

Muxbirimiz qutlan
2017-01-23
Élxet
Pikir
Share
Print

Yéqinqi yillardin buyan, Uyghur élida körülüwatqan éghir derijidiki hawa bulghinish hadisisi xitayning bashqa rayonlirigha oxshashla eng köp bes-munazire qozghawatqan mesililerning biri iken.

Bolupmu Uyghur élidiki yer asti bayliqlirini heddidin artuq qézish, su we muzluq menbelirini xoritish, xitay ölkiliridin milyunlap nopus köchürüsh hemde keng kölemde sana'et sheherlirini berpa qilish netijiside hawaning süpitide pewqul'adde nacharlishish körülmektiken.

Xelq torining xewer qilishiche, da'iriler 2016-yilining axirighiche bingtu'enni öz ichige alghan Uyghur aptonom rayonida jem'iy 124 orunda hawa süpitini aptomatik közitish ponkiti qurghan.

Igilinishiche, hawa süpitini aptomatik közitish ponkiti qurulghan nahiye, rayon we sheherler 79 gha yetken bolup, uning dawamliq kéngiyidighanliqi mölcherlenmektiken.

Xewerde déyilishiche, bundaq ponkitlar qurulghan rayonlardiki ahaliler her waqit torgha chiqip hawa süpitini körelishi mumkinken.

Közetküchiler, da'iriler gerche hawa süpitini aptomatik közitidighan ponkitlarni köplep quruwatqan bolsimu, amma hazirgha qeder Uyghur élidiki hawa bulghinishini ünümlük tizginliyeleydighan birer chare-tedbir alalmighanliqini tekitlimekte.

Toluq bet