Shi jinpingning "Shinjang" xizmitide qayta seperwerlik chaqiriqi diqqet qozghidi

Muxbirimiz shöhret hoshur
2016-09-28
Élxet
Pikir
Share
Print

"Shinjang géziti" ning 28-séntebir künidiki obzorida bayan qilinishiche, xitay dölet re'isi shi jinping yéqinda échilghan "Shinjang xizmiti bash nishanini izchillashturush we emeliyleshtürüsh" toghrisidiki qayta seperwerlik yighinida, Uyghur rayonida bash nishanning muqimliq we ebediy eminlik ikenliki we barliq xizmetlerning bash nishanni chöridishi kéreklikini tekrarlash bilen birlikte, hetta tereqqiyat we xelq turmushini yaxshilashtimu, ebediy eminlikke paydiliq bolush-bolmasliqining nezerde tutulushi kéreklikini ashkara tekitligen.

Obzorda déyilishiche shi jinping mundaq dégen: ".... Iqtisadni rawajlandurush, xelq turmushini yaxshilash, millet we din, shinjanggha nishanliq yardem bérish... Qatarliqlarning hemmisi bash nishanni zich chöridep pilanlinishi kérek".

U yene ashkara halda, bu ishlar "Ijtima'iy muqimliq we ebediy eminlikke paydiliq bolidiken, uni qet'iy qilish؛ paydisiz bolidiken uni qet'iy qilmasliq kérek" dégen.

Shi jinpingning bu sözliri Uyghur közetküchilerning yene bir qétim diqqitini tartti. Siyasiy közetküchi memet toxti ependi, chaqiriq qilin'ghan siyasetning yéngi emeslikini, emma ipadilinish sheklining nisbeten yéngiliqini otturigha qoydi. Uning bayan qilishiche,"Siyasette meqsetning xelq turmushini yaxshilash emes, ebediy eminlik ikenlikini tekitlesh, hakimiyetning mustemlikichi tebi'itini ashkara bazargha sélishtin bashqa nerse emes."

Toluq bet