Хитай һөкүмәт әмәлдариниң «рамизан мәзгилидә ашхана, ресторанлар нормал ечилиду» дегән сөзи тәнқидкә учриди

Мухбиримиз меһрибан
2016-06-02
Елхәт
Пикир
Share
Принт

Хитай һөкүмити 2-июн пәйшәнбә күни мухбирларға баянат берип, «шинҗаңдики диний етиқад әркинлики» һәққидә ақ ташлиқ китаб елан қилғанлиқини билдүрди. Әмма рамизан һарписида ечилған хитайниң диний әркинлик сияситини ақлайдиған бу йиғинда, уйғур аптоном райониниң диний ишлар әмәлдариниң «рамизан мәзгилидә ашхана, ресторанлар нормал ечилиду» дегән сөзи тәнқидкә учриди.

Мәлум болушичә, мәзкур баянат бериш йиғинида, мухбирларниң соалиға җаваб бәргән уйғур аптоном районлуқ диний ишлар идарисиниң башлиқи турған пида: «рамизан мәзгилидә ашхана, ресторанлар нормал ечилиду. Һалал ресторан, ашпузулларни ечиш мәсилисини ашхана хоҗайинлири өзи бекитиду. Буниңға чәклимә қоюлмайду» дегән.

Хитай һөкүмитиниң рамизан мәзгилидә уйғурларни ашхана, ресторанларни нормал ечишқа мәҗбурлаш, һөкүмәт хизмәтчилири вә оқуғучиларниң роза тутушини чәкләш, мәктәп идриларда мәҗбурий тамақ йегүзүш қилмишлири үзлүксиз әйибләшкә учрап келиватқан болуп, хитай һөкүмәт әмәлдариниң юқириқи сөзи хәлқара таратқуларда елан қилинғандин кейин тәнқидкә учриди.

Дуня уйғур қурултийи баянатчиси дилшат ришит хитай әмәлдариниң сөзини тәнқидләп: «хитайниң рамизан мәзгилидә ашхана, ресторанлар нормал ечилиду дегән сөзила даириләр елан қилған уйғурларниң диний етиқад әркинлики һәққидики ақ ташлиқ китабтики ибариләрниң ялғанлиқини испатлап турупту. Әмәлийәттә рамизан мәзгилидә мусулманларниң ашханилирини ечиш‏-ачмаслиқ һоқуқи тартивелинған. Хитай һөкүмәт даирилири һалал ресторан, ашпузулларни ечиш мәсилисини ашхана хоҗайинлириниң өзи бекитиду дегән бу сөзлирини өз һәрикәтлири билән испатлиши керәк» деди.

Пикирләр (0)
Share
Толуқ бәт