Xitay hökümitining Uyghur élide edliye-qanun sahesige köplep adem qobul qilishi diqqet qozghimaqta

Muxbirimiz irade
2020-05-28
Élxet
Pikir
Share
Print

"Bayin'gholin géziti" tarqatqan xewerdin melum bolushiche, yéqinda korla sheherlik xelq sot mehkimisi 71 neper yéngi zasédatélni wezipige teyinligen. Bu zasétatéllar wezipe tapshuruwélish murasimda qesem bérip wezipige olturghan.

Yéngidin teyinlen'gen zasédatillar ömikidikiler asasiy qatlamda xizmet qilip, türlük ziddiyetlerni hel qilishqa orunlashturulghan bolup, ularning sotchilarni emgek majirasi, dawalash saheliridiki majiralar we bashqa délolarni bir terep qilishigha yardem bérishi telep qilin'ghan.

Xewerge qarighanda, qesem bérish murasimidin kéyin sheherlik sot mehkimisi 71 yéngi zasédatélni terbiyeligen.

Uyghur aptonom rayonluq da'irilerning yéqindin buyan herqaysi wilayet we oblastlardiki qanun-edliye organlirigha köplep adem qobul qilishi diqqet qozghimaqta. Chünki xitay hökümitining Uyghur élide 3 milyondin artuq kishini héchqandaq qanuniy asasi bolmighan halda tutup turushi xelq'ara jem'iyetning küchlük naraziliqini qozghighan idi. Shu sewebtin xitay hökümiti yéqindin buyan taktikisini özgertip, lagérdikilerni türküm-türkümlep sotlash, ulargha atalmish qanuniy jeryanlar bilen höküm élan qiliwatqan körünüsh hasil qilishqa urunuwatqanliqi ashkarilan'ghan idi.

Chet'ellerdiki Uyghur közetküchiler yuqiriqi bu zasédatéllarning lagérdikilerni bir terep qilishta sot orunliridiki adem küchini toluqlash üchün qobul qilin'ghan bolushi mumkinlikini perez qilishmaqta.

Yéqinda yene xitaydiki hökümet tor betliri béyjingda échiliwatqan ikki qurultay mezgilide Uyghur élidin barghan "Ikki qurultay wekilliri" ning xitayning jaza höküm qanuni we türme qanunlirida özgertish élip bérishni telep qilghanliqini xewer qilip, küchlük diqqet qozghighan idi.

Toluq bet